Ош облусунун Кара-Суу районундагы Төлөйкөн айылына 110/35/10кВ «Барсбек» жана Өзгөн районундагы Кароол айыл аймагында 220/110/10кВ «Исанов» көмөкчү чордонунун курулуш иштери башталды. Иш-чаранын капсула салуу аземине КР Президентинин Ош облусундагы ыйгарым укуктуу өкүлү Зиядин Жамалдинов, Кыргыз Республикасынын Энергетика жана өнөр жай министри Доскул Бекмурзаев катышты.
Аталган көмөкчү чордору ишке кирсе 110 кВ «Ош-6», «ТЭЦ Ош» көмөк чордондору, Ош шаарындагы 35 кВ көмөк чордондор,Ош шаарындагы 35 кВ аба чубалгылары жана кабель чубалгылары ашыкча жүктөлүдөн бошотулуп,
Ош шаарын электр энергиясы менен камсыздоону жакшыртат жана сапаттуу электр энергиясы менен камсыздайт. Ошондой эле
Улуттук электр тармактарына жаңы керектөөчүлөрдү туташтыруу мүмкүнчүлүктөр түзүлөт.
Жогорудагы бардык курулуш иштери «Ошэлектр» жана «Кыргызстан Улуттук электр тармактар» ААКнын өз каражаттарына жүргүзүлөт.
