Ноокат району

     Ноокат району 1928-жылы 24-декабрда түзүлгөн. Батыш жагынан Баткен районунун Кызыл-Кыя шаары, түндүгүнөн Ош областынын Араван, чыгышынан Ош областынын Кара-Суу жана Алай райондору менен чектешет.
     Ноокат өрөөнү деңиз деёгээлинен бийиктиги 1200-1700 метр бийиктикте турат. Көмүр, сурьма, вольфрам, курулуш материалдар кендери бар. Климаты континенталдуу, жайы ысык, кышы анча суук эмес.
     Райондун аймагынан Кыргыз-Ата , Кошчан, Шаңкол, Абшыр-Ата, Чили-сай дарыялары агып өтөт.
Райондун аймагында Кара-Кой, Абшыр-Ата, Сахаба эс алуу туристтик зоналары , ал эми Ноокат шаарынын борборунда Н.Исанов паркы жайгашкан.
     Ноокат районунун борбору болуп Ноокат шаары эсептелинет.
     Ноокат шаарынан Ош шаарына чейинки аралык 40 км түзөт. Жакынкы темир жол станциясынан алыстыгы 45 км болуп, темир жолу Кызыл-Кыя шаарына чейин келген. «Манас» аэропортунун Оштогу филиалына чейинки аралык 50 км түзөт.
     Аянты 4,4 миң км.кв., калкынын саны 309 миңден ашуун, 96 айыл-кыштактарды бириктирген 16 айыл аймагынан (айыл өкмөтүнөн) жана Ноокат шаар мэриясынан турат. Ноокат районунда 44 мекеме-ишканалар бар.
     Район областтагы калкы жыш жайгашкан аймактардын бири. 1 км.кв. жерге 50,4 адам туура келет. Ош областынын калкынын санынын 21,8 % пайызын Ноокат районунун эли түзөт.

Райондун борбору — Ноокат шаары
Жалпы аянты 4,4 мин чарчы километр.
Айыл аймактардын (өкмөттөрдүн) саны-16
Шаардын саны (Ноокат шаары) -1
Статус алган айылдардын саны— 96
Кожолук саны — 48 758
Калкы – 309 649 миң адам:
— анын ичинен эркектер – 152 888 пайыздык эсеп менен 49,37 % түзөт.
— аялдар – 156 761 пайыздык эсеп менен 50,63 % түзөт.

Улуттар боюнча:
Кыргыздар – 221 870 пайыздык эсеп менен 71,65 % түзөт.
Өзбектер – 86 702 пайыздык эсеп менен 28, 0 % түзөт.
Башка улуттар– 609 пайыздык эсеп менен 0,2 % түзөт.

Айыл чарбасы:

Жалпы жер аянты – 311 985 га
Аныничинен:
— айдоо аянты – 34 913 га
а) суулуу – 14 274 га
б) кайрак – 20 639 га
— чөп чабынды – 3216 га
— жайыт – 118  427 га
— көп жылдык бак-дарактар – 1177 га

Мамлекеттик адистештирилген чарбалардын саны -2 (НУКОК жана Көк-Жар үрөнчүлүк чарбасы)
Ветеринардык сервистердин саны – 32
Суу сарба мекемесинин саны-1

Өнөр жайы:

Өнөр жай ишканалары – 23
Жеке менчик электр тегирмендери – 36
Наавайканалар – 52
Кондитердик цехтер – 15

Соода:
Ноокат соода базар кооперативи – 1
Кичуу соода базарлары – 3 (А.Мирмахмудов, Көк-Жар, Жаңы-Ноокат айыл
аймактарында жайгашкан)

Мал базарлары- 4 (Т.Зулпуев, Н.Исанов, Көк-Жар, Жаңы-Ноокат айыл
аймактарында жайгашкан)

Жеке ишкерлердин саны –1485

Саламаттыкты сактоо:
Ноокат райондук Жалпы дарыгердик практикалык борбору – 1
ЖДПБнун бөлүмдөрүнүн саны – 6
ФАП – 54
Үйбүлөлүк дарыгерлер тобу — 27
Аптекалар – 22
Врачтардын саны- 268
Орто мед. персоналдардын саны-996
ТОП жана МОПтордун саны- 541

Билим берүү:

Жалпы билим берүүчү мектептер – 121
— Орто мектептер – 97 (анын ичинен гимназия-7; лицей-3)
— Толук эмес орто мектептер — 13
— Башталгыч мектептер –11
Мугалимдер – 4227
Окуучулардын жалпы саны – 60 626
Мектепке чейинки мекемелер – 101
Кесипчилик-техникалык окуу жайы – 2

Маданият:
Борбордук маданият үйү– 1.
Айылдык маданият үйлөрү -15
Клуб – 4
Музей – 2.
Китепкана – 32
Парк — 1
Музыкалык мектептер -5
Борбордук китепкана- 1

Ноокат районунун акими

Ноокат мамлекеттик администрациясынын байланыш номерлери:

Тел: +996 3230 5-00-21

Факс: +996 3230 _________

E-mail: nookat@osh.gov.kg                                                                    nookatrayon@gmail.com

 Web:    www.nookat.kg

 

Ноокат райондук мамлекеттик администрациясынын аппаратында иштеп жаткан мамлекеттик  жарандык кызматчылар боюнча кыскача маалымат.

 

Кадрлардын сапаттык курамы  боюнча:

Ноокат райондук мамлекеттик администрациясында бардыгы болуп 30 штаттык бирдиги болсо, анын  ичинен  мамлекеттик  жарандык кызматкерлердин саны 15ти түзүп, иш жүзүндө 15 кызматкер эмгектенүүдө.

           Алардын ичинен  1  саясий,  2 саясий  өзгөчө  тартипте дайындалгандар (Акимдин биринчи орун басары жана орун басары)  жана  12 административдик кызматкерлер.

Аялдар 8  кызматкерди  же  53,3   %   пайызды   түзөт.

Кызмат орундарынын категориясы боюнча саясий кызматкер (аким)-1,  жогорку  кызмат орундарына регионалдык резервден   өзгөчө  тартипте дайындалган  саясий кызматкерлер (Акимдин 2 орун басарлары)-2 ,   башкы  кызмат  категориясындагы  орундарда  – 2,   улук кызмат орундарында- 6,  кенже кызмат орундарында- 4   мамлекеттик  кызматкерлер  эмгектенишет.

            Кызматкерлердин бардыгы жогорку  билимдүүлөр.          

            Адистиктери боюнча  6  кызматкер педагогикалык,   5  кызматкер  экономикалык,  2  кызматкер юридикалык,  1  кызматкер  мамлекеттик жана муниципалдык башкаруу  жана  1  кызматкер    техникалык  адистиктерге ээ.  Улуттук курамы боюнча 13  кыргыз,   2  өзбек.

         Жаш курагы боюнча 35 жашка чейинкилер- 2,    36-50-жашка чейинкилер-4,   51  жаштан  улуулар —  9  кызматкерди  түзөт.

Мамлекеттик  кызматтагы  эмгек стаждары боюнча  1-5 жылга чейинкилер- 4,         5-10 жылга чейинкилер -3,  10   жылдан жогору иштегендер 8   кызматкерди   түзөт.

            Класстык чени  бар кызматкерлердин саны  13 кызматкерди түзөт,  чени жок кызматкерлердин  саны  2 кызматкерди түзөт (акимдин орун басары  жана   1 адис).

           Ноокат райондук мамлекеттик администрациясында 2022-жылдын 9 айы ичинде 2  кызматкер ротациялоо жолу менен башка кызматтарга  дайындалышкан, 1 кызматкер ротациялоонун негизинде кызматка келген,   3 кызматкер ички резервден жогорку турган  кызматтарга  жана  4 кызматкер ачык конкурстун негизинде  ички резрвке киргизилип,   бош турган кызмат орундарына   дайындалган. 1 кызматкер өзүнүн арызынын негизинде кызматтан бошотулган  (жетектөөчү адис-юрист).

Кадрларды окутуу боюнча:

Ноокат райондук мамлекеттик администрациясынын аппаратындагы кызматкерлерди  окутуу, билим  деңгээлин жана квалификациясын жогорулатуу багытына КРдин финансы министрлиги  тарабынан  80 миң сом акча каражаты  каралган.

 Кадрларды сыйлоо боюнча: 

2022-жылдын 9 айы  ичинде  райондук мамлекеттик  администрациясынын

10  кызматкери  төмөндөгү сыйлыктар менен сыйланышкан:

  • 2 кызматкер КРдин Президентинин Ош облусундагы ыйгарым укуктуу өкүлүнүн Ардак грамотасы менен;
  • 1 кызматкер КРдин Куралдуу Күчтөрүнүн төш белгиси менен;
  • 3 кызматкер КРдин Куралдуу Күчтөрүнүн  Ардак грамотасы менен;
  • 2 кызматкер КРдин Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери  боюнча мамлекеттик агенттигинин Ардак грамотасы менен;
  • 1 кызматкер КРдин Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттигинин  Грамотасы менен;
  • 1 кызматкер Ноокат райондук мамлекеттик администрациясынын Ардак грамотасы менен  сыйланган.

        Тартиптик жазана чаралары боюнча:

Ноокат райондук мамлекеттик администрациясынын аппаратында иштеп жаткан мамлекетти жарандык кызматчыларга карата 2021-жыл   ичинде   тартиптик жазана чаралары берилген эмес. 

     2022-жылдын  1-жарым жылдыгында бир кызматкерге (жетектөөчү адис Орозмамат уулу Кубанычбекке)   эскертүү  жарыяланган.

     Ноокат райондук мамлекеттик администрациясында  Этика, Конкурстук, Аттестациялык  жана Эмгек стаждарын эсептеп берүү боюнча комиссиялары түзүлгөн.

     Кадрларга функционалдык милдеттер буйруктун  негизинде  бекитип берилген. Кадрлардын өздүк делолору жана эмгек китепчелери талапка жооп берет.

     Квалификациялык талаптар Кадр кызматы менен биргеликте бекитилген.

     Бош кызмат орундарына конкурстар мыйзам чегинде райондук “Ноокат таңы” гезитине  жана   «e-Kyzmat»  боюнча  сайттарга жайгаштырылып барылат.

     Кадрлар боюнча тийиштүү болгон бардык маалыматтар  «e-Kyzmat» автоматташтырылган маалыматтык системасына киргизилген.

     Кызматкерлердин бардыгы бүгүнкү күндө  инфодокс программасы аркылуу иш жүргүзөт.

Даярдаган:

Уюштуруу бөлүмүнүн башчысы — М.Саткинова